36 ქულა: ჯაზის კამბექი, რომელიც NBA-ს ისტორიაში ყველაზე დიდად ითვლება
1996 წლის 27 ნოემბერს ჯაზი ნაგეტსთან შესვენებისას 36:70 აგებდა, მატჩი კი 107:103 მოიგო. კარლ მელოუნმა 31 ქულა და 17 მოხსნა შეაგროვა.
გუშინ ღამით ფილადელფიამ კლივლენდთან შესვენებისას 24-ქულიანი ჩამორჩენა აღმოფხვრა. შთამბეჭდავი შედეგია, თუმცა NBA-ს ისტორიაში ამაზე ბევრად დიდი კამბექიც მომხდარა.
კარლ მელოუნი იუტა ჯაზი · 2003-04 სეზონი 13.2 ქულა 8.7 მოხსნა 3.9 პასი პროფილი ›1996 წლის 27 ნოემბერს სოლტ-ლეიკ-სიტიში, „დელტა ცენტრში“ ჯაზმა ნაგეტსს უმასპინძლა. პირველი ნახევრის შემდეგ ანგარიში 70:36 იყო სტუმრების სასარგებლოდ, მესამე მეოთხედის დასაწყისში კი 74:41. მატჩის განმავლობაში ჩამორჩენამ 36 ქულას მიაღწია.
მეორე ნახევარში ჯაზმა ნაგეტსს 71:33 აჯობა და მატჩი 107:103 მოიგო. ეს ჯაზის ზედიზედ მერვე გამარჯვება იყო.
გუნდის ლიდერები კარლ მელოუნი და ჯეფ ჰორნაჩეკი იყვნენ. მელოუნმა 31 ქულა, 17 მოხსნა და 6 შედეგიანი გადაცემა შეაგროვა, ჰორნაჩეკმა კი 29 ქულა ჩააგდო.
მანამდე შესვენებისას ჩამორჩენის აღმოფხვრის რეკორდი ფილადელფიას ეკუთვნოდა: 1988 წელს სიქსერსმა სელტიქსთან 27-ქულიანი ჩამორჩენა აღმოფხვრა.
ის მატჩი 1996-97 სეზონის დასაწყისში გაიმართა. სწორედ იმ სეზონში ჯაზმა ისტორიაში პირველად ითამაშა NBA-ს ფინალში, მელოუნმა კი MVP-ის ტიტული მოიპოვა. 36-ქულიანი კამბექი დღემდე NBA-ს ისტორიაში ყველაზე დიდად ითვლება.
