დღის სიახლეები: NBA-მ ფლემინგსი ერთი მატჩით დასაჯა, თანდერმა კი ტოპიჩი არ დაიტოვა

NBA-მ ჰოუქსის მცველი კინგსტონ ფლემინგსი ერთი მატჩით დასაჯა და ხელფასის გარეშე დატოვა. მიზეზი პელიკანსის მცველ ბრაის მაკგოუენსისთვის თავში იდაყვით განზრახ დარტყმაა.

კინგსტონ ფლემინგსი ატლანტა ჰოუქსი · 2026-27 სეზონი 7.1 ქულა 2.9 მოხსნა 4.7 პასი პროფილი ›

ეპიზოდი ჰოუქსის 99:121 მარცხის დროს მოხდა. ფლემინგსს ტექნიკური ჯარიმა მისცეს და მატჩის დასრულებამდე 3 წუთითა და 4 წამით ადრე მოედნიდან გააძევეს. ის ამაღამ პეისერსთან მატჩს გამოტოვებს, რომელიც თბილისის დროით 04:30-ზე დაიწყება.

ტოპიჩი ზაფხულში თავისუფალი აგენტი გახდება

თანდერმა უარი თქვა ნიკოლა ტოპიჩის კონტრაქტის გაგრძელებაზე. მომავალ სეზონში ეს კლუბს 7.4 მილიონი დოლარი დაუჯდებოდა. სერბი მცველი ზაფხულში თავისუფალი აგენტი გახდება. ამავე დროს კლუბმა ჯარედ მაკკეინისა და თომას სორბერის კონტრაქტები გააგრძელა.

ტოპიჩი 2024 წლის დრაფტზე მე-12 ნომრით აირჩიეს, თუმცა მას სამ სეზონში მხოლოდ 10 მატჩი უთამაშია. პირველი სეზონი მუხლის ტრავმის გამო გამოტოვა, მეორის დაწყებამდე კი კიბო დაუდგინეს. მკურნალობის შემდეგ მისი დებიუტი NBA-ში მხოლოდ 2026 წლის თებერვალში შედგა. ზაფხულში ზურგზე ოპერაცია ჩაუტარდა და მისი დაბრუნების დრო ჯერ უცნობია.