ექვსი დაუმარცხებელი და ხუთი გუნდი გამარჯვების გარეშე: NBA-ის ცხრილი პირველი კვირის შემდეგ

NBA-ის რეგულარული ჩემპიონატის პირველი კვირა დასრულდა. ლიგაში ექვსი გუნდი ჯერ არ დამარცხებულა, ხუთს კი ერთი გამარჯვებაც არ აქვს. ორივე სიაში მოულოდნელი გუნდებიც არიან.

სანდრო მამუკელაშვილი ლოს ანჯელეს ლეიკერსი · 2026-27 სეზონი 7.0 ქულა 4.0 მოხსნა 1.3 პასი პროფილი ›

დაუმარცხებელი გუნდები

ფრჩხილებში ქულათა ჯამური სხვაობაა.

• თანდერი 4-0 (+42)
• როკეტსი 4-0 (+39)
• გრიზლისი 4-0 (+39)
• ლეიკერსი 3-0 (+39)
• პისტონსი 3-0 (+38)
• ბლეიზერსი 2-0 (+49)

თანდერმა ოთხივე მატჩი ტრავმების მიუხედავად მოიგო. ბოლო მატჩში გუნდმა სანსი 125:114 დაამარცხა, აჯეი მიტჩელმა კი 30 ქულა ჩააგდო. როკეტსმა ჰოუქსი 120:110 დაამარცხა: ალპერენ შენგიუნმა 29 ქულა, 9 მოხსნა და 9 შედეგიანი გადაცემა შეაგროვა.

გრიზლისმა ოთხიდან სამი მატჩი გასვლით მოიგო. პისტონსმა სელტიქსი, ჰიტი და სიქსერსი დაამარცხა. ლეიკერსის სამ გამარჯვებაში ლუკა დონჩიჩი საშუალოდ 34.3 ქულას აგროვებს. სანდრო მამუკელაშვილი სამივე მატჩში შეცვლაზე გამოვიდა, მისი საშუალო მაჩვენებელი კი 7.0 ქულაა.

ბლეიზერსს მხოლოდ ორი მატჩი აქვს ნათამაშები, თუმცა ქულათა სხვაობით დაუმარცხებელ გუნდებს შორის პირველია. 28 ოქტომბერს, თბილისის დროით 07:00 საათზე, ლეიკერსი და ბლეიზერსი ერთმანეთს შეხვდებიან, ასე რომ, ერთ-ერთი სერია აუცილებლად შეწყდება.

გამარჯვების გარეშე

• ჰიტი 0-4 (-51)
• კინგსი 0-3 (-44)
• ნეტსი 0-3 (-38)
• ნიქსი 0-3 (-19)
• პელიკანსი 0-3 (-10)

ყველაზე რთულ მდგომარეობაშია ჰიტი. იანის ანტეტოკუნმპომ ბოლო მატჩში ჰიტის ფორმით პირველი ტრიპლ-დაბლი შეასრულა, თუმცა გუნდმა მავერიკსთან 109:113 წააგო. ასეთი სტარტი ჰიტს 2008-09 წლების სეზონის შემდეგ არ ჰქონია.

პელიკანსი გამარჯვებასთან ძალიან ახლოს იყო. გუნდმა სამი მატჩი ჯამში მხოლოდ 10 ქულით წააგო: პეისერსთან 120:123, ჯაზთან იუტაში 119:120 და ნაგეტსთან დენვერში, დამატებით დროში, 135:141.

ნიქსმა სამივე მატჩი აღმოსავლეთის კონფერენციის გუნდებთან წააგო. ამაღამ ნიქსი დაუმარცხებელ პისტონსს უმასპინძლებს, ნეტსი ბოსტონში სელტიქსს შეხვდება, კინგსი კი სპერსს სან-ანტონიოში.

რომელი დაუმარცხებელი გუნდი დარჩება ყველაზე დიდხანს მარცხის გარეშე?