1673876607 • NBA

სანდრო მამუკელაშვილის პირველი ორმაგი დუბლი სან ანტონიოში. ტეხასური გუნდის 23 წლის ქართველმა ფორვარდმა ოკლენდში, გოლდენ სტეიტის წინააღმდეგ 13 ქულა და 11 მოხსნა მიითვალა.გუნდთან, რომელშიც ზაზა ფაჩულია სამჯერ გახდა ნბა-ს ჩემპიონი, მამუკელაშვილმა გამორჩეულად ითამაშა. შეხვედრა დაძაბული გამოდგა და მასპინძელმა გოლდენ სტეიტმა გამარჯვება ბრძოლაში მოიპოვა – 130:115.მამუკელაშვილი სასტარტო ხუთეულში იყო და მოედანზე 29:13 წუთი გაატარა. ქართველმა ლეგიონერმა 10-დნ 6 ორქულიანი და 1-დან 1 საჯარიმო ჩააგდო, 2 სამიანი კი ააცილა. სანდრომ ფარზე მაგრად ითამაშა და მოედანზე მყოფთაგან ყველაზე მეტი ბურთი მოხსნა. მის ანგარიშზე ჯამში 13 ქულა, 11 მოხსნა, 4 პასი, 1 ჩაჭრა და 1 დაფარება დაგროვდა. სანანტონიოელთაგან ყველაზე მეტი – 22 ქულა კელდონ ჯონსონმა ჩააგდო. გოლდენ სტეიტში 33 ქულით საუკეთესო იყო სტეფ კარი.მომდევნო მატჩს სან ანტონიო 2 აპრილს, საკრამენტოში, კინგსთან გამართავს.gbf.ge
1680337839

თორნიკე შენგელიამ იტალიის სერია A-ში მორიგი გამორჩეულლი შეხვედრა ჩაატარა. მართალია, მისი საბოლოო მონაგარი მსუყე ციფრებით არ გამოირჩვა, თუმცა ქართველმა ფორვარდმა მატჩის ყველაზე მნიშვნელოვან მომენტში, გამარჯვების მომტანი ქულა მიითვალა.ვირტუსის მეტოქე ტორტონა იყო – გუნდი, რომელთანაც ბოლონიელები სანაკრებო ფანჯრის წინ იტალიის თასის ფინალში დამარცხდნენ. ვირტუსს ამჯერადაც დიდად გაუჭირდა, თუმცა დაძაბულ ბრძოლაში 91:90 იმარჯვა, მატჩის ბედი კი ბოლო წამებზე შენგელიას მონდომებამ გადაწყვიტა.საფინალო სირენამდე 14 წამით ადრე, ანგარიში საყაიმო გახდა, როდესაც ბოლონიელებმა წუთშესვენება აიღეს, საბოლოოდ, ბურთი შენგელიას მიუვიდა და სტუმართა ამერიკელი ლეგიონერი დემონტე ჰარპერი მასზე დაჯარიმდა.ამ დროს თამაშის დასრულებამდე 2 წამი რჩებოდა და თორნიკემ 2-დან 1 საჯარიმო ჩააგდო, რაც გადამწყვეტი აღმოჩნდა. ქართველი მძიმე ფორვარდი იყო, თუმცა, მოედანზე მხოლოდ 16 წუთი გაატარა, რისი მიზეზიც ჯარიმებით დატვირთვა გახდა.შენგელიამ 7 ქულა, 5 მოხსნა, 5 პასი და 1 ჩაჭრა მოაგროვა. მან 2-დან 1 ორქულიანი და 8-დან 5 საჯარიმო ჩააგდო, ბურთი 2-ჯერ დაკარგა, 4 პერსონალური ფოლი მიიღო, მის წინააღმდეგ კი 5-ჯერ დაჯარიმდნენ.მატჩის გმირი იტალიელი მარკო ბელინელი გახდა, რომელმაც 16-დან 9 სამქულიანი ჩააგდო და 25 წუთში 32 ქულა მოაგროვა.ვირტუს ბოლონიამ 20 ტურში 16 მოგება მოაგროვა და სატურნირო ცხრილს მილანთან ერთად ლიდერობს. შენგელიას კლუბს მომდევნო შეხვედრა 12 მარტს სტუმრად ვენეციასთან ელის.GBF.GE
1678092777

ბექა ბურჯანაძის რეჯიო ემილიამ იტალიის სერია A-ში მორიგი მარცხი განიცადა.ქართველი ფორვარდის გუნდი სტუმრად პესაროს შეხვდა და 74:85 წააგო. რეჯიოემილიელებმა ბოლომდე იბრძოლეს, გადამწყვეტი პერიოდის წინ მხოლოდ 2 ქულით აგებდნენ, თუმცა საბოლოო გამარჯვების მოპოვებამდე ძალები არ ეყოთ და მიმდინარე ჩემპიონატში მე-13 მარცხი განიცადეს.ბურჯანაძე სათადარიგო იყო, რომელმაც მოედანზე მთლიანობაში 21 წუთი გაატარა. ბექამ 2-დან ორივე ორქულიანი ჩააგდო, 4 სამქულიანი და 1 საჯარიმო კი ააცილა. მთლიანობაში მის ანგარიშზე 4 ქულა და თავის გუნდელთაგან უმეტესი 8 მოხსნა დაგროვდა. ემილიელთაგან 19 ქულით საუკეთესო იყო ჯერემი სენგლინი.5 მოგებითა და 13 მარცხით რეჯიო ემილია სერია A-ში ბოლო ადგილზეა. შემდეგ ტურში, 12 თებერვალს, რეჯიო ემილია თორნიკე შენგელიას “ვირტუს ბოლონიას” უმასპინძლებს.gbf.ge
1675682671

თორნიკე შენგელია მაგარ ფორმაშია. ევროლიგის გასულ ტურში ის მატჩის საუკეთესო მოთამაშე გახდა, კვირას გამართულ იტალიის ჩემპიონატის მატჩში კი მან იგივე გაიმეორა და საუკეთესო სტატისტიკა დააფიქსირა.სერია A-ს მე-18 ტურში ვირტუს ბოლონია სტუმრად ბრეშას შეხვდა და ქართველი ფორვარდის წინამძღოლობით 84:78 დაამარცხა. შენგელიამ მოედანზე 23 წუთი დაჰყო, რა დროშიც 18 ქულა, 8 მოხსნა და 2 პასი დააგროვა. საქართველოს ნაკრების კაპიტანმა 8-დან 4 ორქულიანი, 3-დან ერთი სამქულიანი და 9-დან 7 საჯარიმო ჩააგდო. შენგელიასთან ერთად შედეგიანად ითამაშა მარკო ბელინელიმ, რომელმაც 18 წუთში 23 ქულა მიითვალა. ის ამ შედეგით მატჩის ბომბარდირი გახდა, თუმცა საერთო სარგებლიანობით (21) თორნიკე შენგელიას (26) გვარიანად ჩამორჩა.14 მოგებითა და 4 მარცხით ვირტუს ბოლონია სერია A-ში მე-2 ადგილზეა, მომდევნო ტურში კი ბექა ბურჯანაძის რეჯინას შეხვდება, რომელიც პესაროსთან 74:85 დამარცხდა. gbf.ge
1675681753

ევროლიგის მორიგ ტურში თორნიკე შენგელიას ვირტუს ბოლონია ცვერნა ზვეზდას დაუპირისპირდა და ანგარიშით 84:72 დაამარცხა. თორნიკე შენგელია მატჩის MVP გახდა. ქართველმა პარკეტზე საერთო ჯამში 26 წუთზე ოდნავ მეტი გაატარა რა დროშიც 15 ქულა 4 მოხსნა და 4 პასი დააგროვა. 👏Tornike Shengelia, bu smaçla birlikte #EuroLeague kariyerindeki 2500.sayısını buluyor!🎙️ @emregurkaynak #YiğiterUluğ pic.twitter.com/VfGeugMiMj — S Sport (@ssporttr) January 31, 2023 აღსანიშნავია ის, ამ მატჩის შემდეგ თორნიკე შენგელია გახდა ისტორიაში 26-ე კალათბურთელი, რომელმაც ევროლიგაში 2500 ქულას გადააჭარბა. Tornike Shengelia supera quota 2500 punti in Eurolega https://t.co/mh8uP3CD5W— Bolognabasket (@bolognabasket) February 1, 2023 ამ მოგების შემდეგ ვირტუს ბოლონია ევროლიგის ცხრილში მე-11 ადგილზე გადავიდა. შენგელიას გუნდი მომდევნო ტურში ლიონს დაუპირისპირდება.
1675507868

ესპანეთის უმაღლესმა საკალათბურთო ლიგამ გიორგი შერმადინი იანვრის თვის საუკეთესო კალათბურთელად დაასახელა. საქართველოს ნაკრებისა და ტენერიფეს კალათბურთელი ლიგა ენდესას თვის MVP მეთერთმეტედ გახდა, რაც ჩემპიონატის ისტორიაში აბსოლუტური რეკორდია.რაც ესპანეთის ჩემპიონატი ტარდება, ყველაზე მეტი თვის MVP-ის ტიტული ტანოკა ბერდს ჰქონდა მოგებული. ქართველი მისი მოზიარე იყო და დღეს, როცა ლიგამ გასული თვის საუკეთესო მოთამაშედ ქართველი ცენტრი დაასახელა, შერმადინი ყველა დროის ლიდერი გახდა. 😱 Historia de la #ACB ‼️🔝 @gioshermadini se convierte en el jugador con más MVP mensuales de la #LigaEndesa👏 ¡Felicidades, Gio! #Leyenda pic.twitter.com/pyV6KgEuxQ — Lenovo Tenerife (@CB1939Canarias) January 31, 2023"იანვარი კარგი თვე გამოდგა - ევროპის ერთ-ერთ საუკეთესო ლიგაში 5-დან 4 მატჩი მოვიგეთ, თანაც შესანიშნავ გუნდებთან. მსურს გუნდელებს და მწვრთნელებს მადლობა გადავუხადო მხარდაჭერისთვის: იმისთვის, რომ მომცეს ამხელა სათამაშო დრო და ამდენი ქულის დაგროვების შესაძლებლობაც", - თქვა შერმადინმა.
1675186891

ესპანეთის მე-18 ტურში გიორგი შერმადინმა ლენოვო ტენერიფეს ფუენლაბრადასთან ულიდერა და მატჩის MVP გახდა. მის მიერ მოგროვებული სარგებლიანობის 30 კოეფიციენტი საბოლოოდ მთლიან ტურში საუკეთესო აღმოჩნდა და ლიგა ენდესამ ქართველი ცენტრი მე-18 ტურის საუკეთესო მოთამაშედ დაასახელა.შერმადინისთვის ეს ესპანეთის ჩემპიონატში რიგით მე-18 ტურის MVP-ის ტიტულია, რაც ისტორიაში მე-3 საუკეთესო შედეგია. 20 puntos8 rebotes30 de valoraciónOtro día en la oficina para Giorgi Shermadini @CB1939Canarias pic.twitter.com/xNjmZ8ClyR — Gigantes del Basket (@GIGANTESbasket) January 28, 2023 აღნიშნული შედეგით შერმადინმა გადაასწრო ფელიპე რეიესსა და ბერნარდ ჰოპკინს, რაც უკვე ისტორიული შედეგია და შანსი აქვს, ლიდერებიც ჩამოიტოვოს. ესპანეთის ჩემპიონატის MVP-ის ტიტული ყველაზე მეტჯერ (19-19) მოგებული აქვთ ლეგენდარულ არვიდას საბონისსა და თავის დროზე ესპანეთში ნბა-დან გადასულ ლო როს.როგორც ხედავთ, ქართველ კალათბურთელს 2 ტიტული აკლია, ესპანეთის ჩემპიონატის ყველა დროის ლიდერი გახდეს ტურის საუკეთესო მოთამაშის მოგებული პრიზების მხრივ.შეგახსენებთ, რომ შერმადინმა ფუენლაბრადასთან 25 წუთში 20 ქულა, 8 მოხსნა და 1 პასი მიითვალა და მისი საერთო სარგებლიანობის კოეფიციენტი მე-18 ტურის ეგიდით გამართულ 9 მატჩში საუკეთესო გახლდათ. gbf.ge
1675085782

ესპანეთის საკალათბურთო ჩემპიონატის მე-18 ტურში გიორგი შერმადინის ტენერიფე ფუენლაბრადას დაუპირისპირდა და ანგარიშით 95:67 სძლია. ქართველმა კალათბურთელმა თამაში სასტარტო შემადგენლობიდან დაიწყო, ჯამში მან პარკეტზე არასრული 25 წუთი გაატარა რა დროშიც 20 ქულა, 8 მოხსნა და 1 შედეგიანი გადაცემა დააგროვა. შერმადინს ორივე გუნდის შემადგენლობაში საუკეთესო მაჩვენებელი ჰქონდა,შესაბამისად, მატჩის MVP-ად დასახელდა. 😍 Un enorme @gioshermadini se convierte en nuestro #MVP del triunfo de hoy🔥 30 de valoración ‼️ pic.twitter.com/kTI7hQIlRp— Lenovo Tenerife (@CB1939Canarias) January 28, 2023 ტენერიფეს 18 ტურის შემდეგ 24 ქული აქვს და სატურნირო ცხრილში მე-3 ადგილს იკავებს. გიორგი შერმადინის გუნდი მომდევნო თამაშს 5 თებერვალს რეალ მადრიდის წინააღმდეგ გამართავს. 20 puntos8 rebotes30 de valoraciónOtro día en la oficina para Giorgi Shermadini @CB1939Canarias pic.twitter.com/xNjmZ8ClyR— Gigantes del Basket (@GIGANTESbasket) January 28, 2023
1674993600

საკალათბურთო ევროლიგის 21-ე ტურში თორნიკე შენგელიას ვირტუს ბოლონია ბაიერნს დაუპირისპირდა და ანგარიშით 84:91 დამარცხდა.ქართველმა კალათბურთელმა პარკეტზე არასრული 24 წუთი გაატარა, რა დროშიც 8 ქულა, 4 მოხსნა და 3 პასი დააგროვა.SCONFITTA ❌La Virtus cade all’Audi Dome dopo partita in cui è costretta ad inseguire nel punteggio 🔢 Teodosic 14, Cordinier 14, Hackett 12, Belinelli 10#AmoreInfinito #EveryGameMatters pic.twitter.com/tSvrKo5fJV— Virtus Segafredo Bologna (@VirtusSegafredo) January 27, 2023 ბოლონიამ მიმდინარე სეზონში მე-12 მატჩი წააგო და ცხრილიში მე-14 ადგილზე. ევროლიგის 22-ე ტურში ვირტუს ბოლონია ცვერნა ზვეზდას დაუპირისპირდება.
1674895296

NBA-ის განვითარების ლიგაში მორიგი შესანიშნავი შეხვედრა ჩაატარა სანდრო მამუკელაშვილმა. G-ლიგის მორიგ დაპირისპირებაში ვისკონსინ ჰერდი მოტორ სიტი კრუიზს ესტუმრა და ოვერტაიმში 130-134 დამარცხდა. ქართველმა ფორვარდმა თამაში სასტარტო ხუთეულში დაიწყო და 41 წუთში ორმაგი დუბლი შეასრულა. მის ანგარიშზე 31 ქულა და 12 მოხსნა, 3 შედეგიანი გადაცემა და 1 ჩაჭრაა. Your @bergstromauto Player of the Game⬇️@Mamukelashvili5 🦌Vote for Mamu to see him play in the @nbagleague Up Next game during All-Star weekend!! #HerdUp pic.twitter.com/n4GEFABEWC — Wisconsin Herd (@WisconsinHerd) January 24, 2023 NBA-ის განვითარების ლიგის მიმდინარე სეზონში ვისკონსინ ჰერდს 10 მატჩი აქვს გამართული, აქედან სანდროს გუნდმა მხოლოდ 4 მატჩის მოგება მოახერხა და სატურნირო ცხრილში მე-10 ადგილზეა. ვისკონსინ ჰერდი შემდეგ შეხვედრას ისევ მოტორ სიტი კრუიზთან, 26 იანვარს ჩაატარებს.
1674557981

NBA-ს G ლიგაში წარმატებული თამაში ჰქონდა კოლეჯ პარკ სკაიჰოუკსს, რომლის რიგებშიც ქართველი ფორვარდი გიორგი ბეჟანიშვილი ირიცხება.სკაიჰოუკსმა 129:91 გაანადგურა ფორტ ვეინ მედ ანტსი. ეს გუნდი ინდიანასთან არის აფილირებული და მისი მაისურით გოგა ბითაძეს არაერთი თამაში აქვს ჩატარებული, ბეჟანიშვილმა კი 19 წუთში 6 ქულა, 8 მოხსნა, 3 პასი და 1 დაფარება მოაგროვა.გიორგიმ 5-დან 3 ორქულიანი გამოიყენა, ბურთი 2-ჯერ დაკარგა და 4 პერსონალური ფოლი მიიღო.კოლეჯ პარკს 4 მოგება და 5 მარცხი აქვს და აღმოსავლეთ კონფერენციაში მე-10 ადგილზეა, შემდეგი შეხვედრა კი 25 იანვარს კლივლენდთან ელის.
1674484293

ახალგაზრდა ქართველმა კალათბურთელმა ლუკა ავალიანმა, რომელიც სევან ტაიგერსის ღირსებას იცავს, აშშ-ს კოლეჯების ლიგის NCAA III დივიზიონში მორიგი შედეგიანი მატჩი ჩაატარა.სევანიმ მოულოდნელი მარცხი 73:93 იწვნია კონფერენციის ერთ-ერთ აუტსაიდერ მილსეპსთან, ქართველმა კი სასტარტო ხუთეულში ითამაშა და 31 წუთში 13 ქულა, 8 მოხსნა და 3 პასი მიითვალა.ავალიანმა 5-დან 3 ორქულიანი, 2-დან 1 სამქულიანი 6-დან 4 საჯარიმო ჩააგდო, ბურთი ერთხელ დაკარგა და 1 პერსონალური ფოლი მიიღო.საინტერესოა, რომ ლუკა პერიმეტრიდან ძალიან იშვიათად უტევს, ამდენად, გასულ შეხვედრაში ნასროლი 2 სამქულიანი მისთვის სეზონში სარეკორდოა.
1674482346