sjsn
ორმაგი დუბლი და 31 ქულა- სანდრო მამუკელაშვილი G ლიგაში

NBA-ის განვითარების ლიგაში მორიგი შესანიშნავი შეხვედრა ჩაატარა სანდრო მამუკელაშვილმა. G-ლიგის მორიგ დაპირისპირებაში ვისკონსინ ჰერდი მოტორ სიტი კრუიზს ესტუმრა და ოვერტაიმში 130-134 დამარცხდა. ქართველმა ფორვარდმა თამაში სასტარტო ხუთეულში დაიწყო და 41 წუთში ორმაგი დუბლი შეასრულა. მის ანგარიშზე  31 ქულა და 12 მოხსნა, 3 შედეგიანი გადაცემა და 1 ჩაჭრაა.  Your @bergstromauto Player of the Game⬇️@Mamukelashvili5 🦌Vote for Mamu to see him play in the @nbagleague Up Next game during All-Star weekend!! #HerdUp pic.twitter.com/n4GEFABEWC — Wisconsin Herd (@WisconsinHerd) January 24, 2023 NBA-ის განვითარების ლიგის მიმდინარე სეზონში ვისკონსინ ჰერდს 10 მატჩი აქვს გამართული, აქედან სანდროს გუნდმა მხოლოდ 4 მატჩის მოგება მოახერხა და სატურნირო ცხრილში მე-10 ადგილზეა. ვისკონსინ ჰერდი შემდეგ შეხვედრას ისევ მოტორ სიტი კრუიზთან, 26 იანვარს ჩაატარებს. 

1674557981

ბსბს
ბეჟანიშვილის წარმატებული მატჩი და გამარჯვება G ლიგაში

NBA-ს G ლიგაში წარმატებული თამაში ჰქონდა კოლეჯ პარკ სკაიჰოუკსს, რომლის რიგებშიც ქართველი ფორვარდი გიორგი ბეჟანიშვილი ირიცხება.სკაიჰოუკსმა 129:91 გაანადგურა ფორტ ვეინ მედ ანტსი. ეს გუნდი ინდიანასთან არის აფილირებული და მისი მაისურით გოგა ბითაძეს არაერთი თამაში აქვს ჩატარებული, ბეჟანიშვილმა კი 19 წუთში 6 ქულა, 8 მოხსნა, 3 პასი და 1 დაფარება მოაგროვა.გიორგიმ 5-დან 3 ორქულიანი გამოიყენა, ბურთი 2-ჯერ დაკარგა და 4 პერსონალური ფოლი მიიღო.კოლეჯ პარკს 4 მოგება და 5 მარცხი აქვს და აღმოსავლეთ კონფერენციაში მე-10 ადგილზეა, შემდეგი შეხვედრა კი 25 იანვარს კლივლენდთან ელის.

1674484293

hshs
ლუკა ავალიანის შედეგიანი მატჩი NCAA ლიგაში

ახალგაზრდა ქართველმა კალათბურთელმა ლუკა ავალიანმა, რომელიც სევან ტაიგერსის ღირსებას იცავს, აშშ-ს კოლეჯების ლიგის NCAA III დივიზიონში მორიგი შედეგიანი მატჩი ჩაატარა.სევანიმ მოულოდნელი მარცხი 73:93 იწვნია კონფერენციის ერთ-ერთ აუტსაიდერ მილსეპსთან, ქართველმა კი სასტარტო ხუთეულში ითამაშა და 31 წუთში 13 ქულა, 8 მოხსნა და 3 პასი მიითვალა.ავალიანმა 5-დან 3 ორქულიანი, 2-დან 1 სამქულიანი 6-დან 4 საჯარიმო ჩააგდო, ბურთი ერთხელ დაკარგა და 1 პერსონალური ფოლი მიიღო.საინტერესოა, რომ ლუკა პერიმეტრიდან ძალიან იშვიათად უტევს, ამდენად, გასულ შეხვედრაში ნასროლი 2 სამქულიანი მისთვის სეზონში სარეკორდოა.

1674482346

shermadini-blackavia-1024x683
შერმადინის 11 ქულა - ტენერიფემ ბეტისს მოუგო

გიორგი შერმადინის ლენოვო ტენერიფემ ესპანეთის მორიგ ტურში იოლი გამარჯვება მოიპოვა.ტენერიფელებმა რეალ ბეტისს უმასპინძლეს და 88:64 დაამარცხეს. ქართველი ცენტრი კანარის კუნძულელთა რიგებში სასტარტო ხუთეულში იყო, მან 21 წუთში გუნდს 11 ქულა, 5 მოხსნა და 2 პასი მოუტანა.გამარჯვებულთა რიგებში ყველაზე მეტი ხაიმე ფერნანდესმა ჩააგდო – 16 ქულა. შერმადინი მარგი ქმედების კოეფიციენტით (17) მხოლოდ მარსელინიო უერტასს (18) ჩამორჩა. ამ გამარჯვების წყალობით, ტენერიფემ თასზე განთესვა დაიბევა.ტენერიფეს 17 თამაშიდან 13 აქვს მოგებული და მესამეა. ამდენივე გამარჯვება კიდევ სამ გუნდს აქვს (რეალი, ბარსელონა, ბასკონია), რომელთაც 22 იანვარს აქვთ ტური სათამაშო.28 იანვარს შერმადინი გუნდი ფუენლაბრადას მადრიდში ესტუმრება.

1674384269

makfa-23-topas
მაკფადენის 20 ქულა - თადი ფუენლაბრადასთან მატჩის გმირია

რატი ანდრონიკაშვილისა და თად მაკფადენის მურსიამ ესპანეთის ჩემპიონატის მე-17 ტურში სტუმრად ფუენლაბრადა 88:72 დაამარცხა. რატის არ უთამაშია, ახალგაზრდა ქართველი განაცხადში არ იყო, მაკფადენი კი მატჩის გმირი გახდა.მაკფადენი სასტარტო ხუთეულში არ იყო, ის თამაშში სათადარიგთა სკამიდან ჩაერთო და საბოლოოდ 20 ქული მურსიელთაგან ბომბარდირი გახდა. თადმა 10-დან 4 სამქულიანი, 4-დან 2 ორიანი და 5-დან 4 საჯარიმო ჩააგდო. მას ასევე 3 პასი და თითი მოხსნა და ჩაჭრა დაუგროვდა. მარგი ქმედების კოეფიციენტით (18) ის გამარჯვებულთა რიგებში საუკეთესო იყო.მურსიას 8 მოგება და 9 მარცხი აქვს. გუნდი ჩემპიონატში მე-12 პოზიციაზეა. მაკფადენი და კომპანია 29 იანვარს ერთ-ერთ ლიდერ ბასკონიას მასპინძლობს. 

1674384070

toko-pana-1024x679
16 ქულა - შენგელიამ ვირტუსს პანათინაიკოსთან მოაგებინა

ევროლიგის მე-20 ტურში თორნიკე შენგელიას “ვირტუსმა” ათენის “პანათინაიკოსს” უმასპინძლა და 74:64 დაამარცხა.საქართველოს ნაკრების კაპიტანმა გამარჯვებაში დიდი წვლილი შეიტანა – მატჩის ბომბარდირი გახდა. თოკოს სრული სტატისტიკა ასეთი იყო: 28 წუთი, 16 ქულა, 7 პასი, 2 მოხსნა, 3 ჩაჭრა, 1 დაფარება.ქართველმა მძიმე ფორვარდმა 7-დან 4 ორქულიანი, 2-დან 1 სამქულიანი და 6-დან 5 საჯარიმო ჩააგდო, ბურთი მხოლოდ ერთხელ დაკარგა, 3 პერსონალური ფოლი მიიღო, მის წინააღმდეგ კი 4-ჯერ დაჯარიმდნენ.ეს გახლდათ ბოლონიელების მეცხრე გამარჯვება მიმდინარე ევროლიგაზე. ამ მაჩვენებლით ისინი მე-13 ადგილზე არიან. პლეი-ოფში კი საუკეთესო რვაეული გადის.მომდევნო მატჩს თორნიკეს გუნდი 22 იანვარს იტალიის ჩემპიონატში “ბრინდისის” წინააღმდეგ ჩაატარებს.

1674209546

ff
მამუკელაშვილის ორმაგი დუბლი G-ლიგაში

NBA-ის განვითარების ლიგაში ვისკონსინ ჰერდი ვესტჩესტერს დაუპირისპირდა და ანგარიშით 188:127 გაიმარჯვა.ვისკონსინის შემადგენლობაში ითამაშა სანდრო მამუკელაშვილმა, რომელმაც შესანიშნავი სტატისტიკა შემოგვთავაზა.სანდრომ თამაში სასტარტო ხუთეულიდან დაიწყო და ჯამში მოედანზე 36 წუთი დაჰყო, რა დროსაც ორმაგი დუბლის შესრულება მოახერხა. მის ანგარიშზე 20 ქულა, 12 მოხსნა, 5 შედეგიანი გადაცემა, 2 დაფარება და 1 ჩაჭრაა.  Let's do it again Saturday 🥳 pic.twitter.com/dUK9mkq6C2 — Wisconsin Herd (@WisconsinHerd) January 18, 2023 აქვე გეტყვით, რომ ქართველმა მიმდინარე სეზონში ვისკონსინის შემადგენლობაში სამჯერ ითამაშა და საშუალოდ 21.0 ქულას, 14.0 მოხსნას და 5.5 პასს აგროვებს. 

1674124436

gb
გოგა ბითაძემ შესაძლოა ინდიანა დატოვოს

Yahoo Sports-ის ცნობილი ჟურნალისტის ჯეკ ფიშერის სტატიის თანახმად, გოგა ბითაძემ ტრეიდებისთვის განკუთვნილი დროის ამოწურვამდე ანუ 9 თებერვლამდე შესაძლოა ინდიანა დატოვოს. ჯეკ ფიშერი წერს, რომ პეისერსი მზადაა გოგას წარმომადგენლებთან ერთად იმუშაოს ქართველი ცენტრის გაცვლაზე, თუ რაიმე შეთავაზება გამოჩნდება.  "Indiana’s center most likely to be traded is fourth-year big man Goga Bitadze. If an opportunity arises, the Pacers will be willing to work in tandem with Bitadze’s representation to find him a new team." (via @JakeLFischer)Source: https://t.co/QH4gUXgKbN pic.twitter.com/BSUL2zONdZ — The Trade Deadline (@_TradeDeadline) January 12, 2023 მიმდინარე სეზონის განმავლობაში გოგას მხოლოდ 19 მატჩი აქვს ჩატარებული, ამასთან ერთად ქართველ ცენტრს მატჩში 15 წუთზე მეტი სათამაშო დრო არ მისცემია. ეს პრობლემა ბითაძისთვის ახალი არ არის. ის პირველი ორსეზონნახევარი მაილს ტერნერისა და დომანტას საბონისის ჩრდილში იყო, 2021-22 წლების სეზონის ბოლოს კი, როდესაც საბონისი წავიდა, ხოლო ტერნერმა ტრავმა მიიღო, გოგამ ბევრი სათამაშო დრო მიიღო და კარგადაც გამოიყურებოდა. მიმდინარე სეზონში კი მაილს ტერნერი მწყობრშია და,თანაც, მწვრთნელები უფრო მეტად აიზია ჯეკსონსა და ჯეილენ სმიტს ენდობიან, ამიტომ გოგას სათამაშოდ მხოლოდ მიზერული დრო ეძლევა.შეგახსენებთ, რომ გოგა ბითაძე ინდიანამ 2019 წლის დრაფტის მე-18 ნომრად აიყვანა. ქართველმა ცენტრფორვარდმა NBA-ს 168 მატჩში მიიღო მონაწილეობა. მისი საშუალო სტატისტიკა 11.6 წუთი, 4.9 ქულა, 2.8 მოხსნა და 0.9 დაფარებაა. 

1674067169

burjanadze
ბურჯანაძის 14 ქულა და გამარჯვება ტრენტოსთან

იტალიის საკალათბურთო ჩემპიონატის ლეგა A-ს მე-15 ტურში რეჯიანა ტრენტოს დაუპირისპირდა და დიდი ანგარიშით 84:68 დაამარცხა.კარგი მატჩი ჩაატარა რეჯიანას ქართველმა კალათბურთელმა ბექა ბურჯანაძემ. ბექამ პარკეტზე 23 წუთი გაატარა, რა დროშიც 14 ქულა და 6 პასი მიითვალა.  Solid performance for @BeqaBurjanadze vs #Trento: 14pts + 6rbs + 2/3 3p #SiamolaPierre #Burjanadze #LBASerieA #Legabasket pic.twitter.com/ZNpazteAHz — Pall. Reggiana (@PallacReggiana) January 16, 2023 აღსანაშნავია, რომ მიმდინარე ტურნირზე რეჯიანამ მხოლოდ 4 მატჩის მოგება შეძლო. გუნდს ამჟამად 8 ქულა აქვს მოპოვებული და ცხრილის ბოლო, მე-10 ადგილზეა.ბურჯანაძის გუნდი შემდეგ თამაშს 21 იანვარს გათამაშების ერთ-ერთ ლიდერთან, მილანოსთან გამართავს. 

1673868728

FmhzDt3WYAAJM_8
თორნიკე შენგელიას შესანიშნავი თამაში და გამარჯვება დაძაბულ მატჩში

ვირტუს ბოლონიამ იტალიის საკალათბურთო ჩემპიონატის მე-15 ტურში საკუთარ არენაზე ვენეციას უმასპინძლა და დაძაბულ ბრძოლაში 79-78 დაამარცხა.კარგი შეხვედრა ჩაატარა ვირტუს ბოლონიას ქართველმა კალათბურთელმა თორნიკე შენგელიამ. ქართველის ანგარიშზე 15 ქულა, 4 მოხსნა, 3 შედეგიანი გადაცემა, 1 ჩაჭრა და 1 დაფარებაა. VITTORIA ⚪️⚫️La Segafredo nel finale con una tripla di Teodosic torna alla vittoria in campionato contro Venezia 🔥🔢 Hackett 17, Shengelia 15, Teodosic 10#AmoreInfinito #LBA #TuttoUnAltroSport pic.twitter.com/DdGFTnabGa — Virtus Segafredo Bologna (@VirtusSegafredo) January 15, 2023 მოგებული შეხვედრის შემდეგ ვირტუს ბოლონიას 24 ქულა დაუგროვდა და მილანოსთან ერთად სატურნირო ცხრილის სათავეშია.თორნიკე შენგელიას გუნდი შემდეგ მატჩს 19 იანვარს პანათინაიკოსის წინააღმდეგ გამართავს. მატჩი თბილისის დროით 23:30 საათზე დაიწყება.

1673859117

shermadinii
გიორგი შერმადინი მატჩის MVP გახდა

გასულ ღამეს გიორგი შერმადინის „ტენერიფემ“ „სარაგოსა“ სტუმრად 87:80 დაამარცხა.შეხვედრის ძირითადი დრო ფრედ 73:73 დასრულდა, დამატებით დროში კი „ტენერიფემ“  7-ქულიანი უპირატესობით  გაიმარჯვა. "Shermadini hoy mal, eh..." En la prórroga: 11 puntos16 de valoraciónY acaba en 21p y 31v. MONSTRUO. pic.twitter.com/hmIr5Ri0zt — Gerard Solé (@gsole14) January 14, 2023 ესპანური კლუბის ქართველი ვარსკვლავი გიორგი შერმადინი მატჩის MVP გახდა. შერმადინმა პარკეტზე 27:45 წუთი გაატარა, რა დროსაც 21 ქულა, 4 მოხსნა, 4 შედეგიანი გადაცემა, 1 ჩაჭრა და 2 დაფარება მოაგროვა. აღსანიშნავია, რომ ოვერტაიმში ჩაგდებული 14 ქულიდან 11 სწორედ ქართველის ანგარიშზეა.16 ტურის შემდეგ „ტენერიფე“ 12 გამარჯვებითა და 24 ქულით სატურნირო ცხრილს მადრიდის „რეალთან“, „ბარსელონასთან“ და „ბასკონიასთან“ ერთად ლიდერობს.მე-17 ტურში „ტენერიფე“ „ბეტისს“ დაუპირისპირდება. შეხვედრა 21 იანვარს გაიმართება. 

1673781645