1673876607 • NBA
20 გამორჩეული მოთამაშე, რომელსაც უნდა ველოდოთ ევრობასკეტზე

ევროპაში 2022 წელს უჩვეულოდ ცხელი ზაფხულია : FIBA-ს 2023 წლის მსოფლიოს ჩემპიონატისთვის შესარჩევი ეტაპის ბოლო რაუნდი და მზადება - Eurobasket 2022-სთვის, რომლის ჯგუფური ეტაპის მასპინძლებიც თბილისი, კიოლნი, პრაღა, ბუდაპეშტი, ტალინი, მილანი და ლუბლიანაა, ხოლო ფინალური ეტაპი ბერლინში გაიმართება.
წარმოგიდგენთ, ჩვენი გადმოსახედიდან 20 გამორჩეულ ევროპელ მოთამაშეს, რომელთა მიმართაც განსაკუთრებული ყურადღება იქნება მიმართული 2022 წლის ზაფხულსა და შემოდგომაზე.
20)სებასტიან სეიზი (ესპანეთი)
სებასტიან სეიზი ესპანეთის ახალი ფორმაციის ნაკრების ერთ-ერთი გამორჩეული წევრია და მას საუკეთესო სტატისტიკური მაჩვენებელი აქვს როგორც ფიბას მსოფლიოს ჩემპიონატის შესარჩევი ეტაპის მატჩებზე, აგრეთვე ევრობასკეტის საკვალიფიკაციო ეტაპზე. სეიზი ესპანეთთან ერთად თბილისში ეცდება მომდევნო ეტაპზე გადასასვლელად იბრძოლოს და მსოფლიოს მოქმედ ჩემპიონებს წარმატება მოუტანოს კონტინენტის პირველობაზეც.
19)იონას ვალანჩუნასი (ლიეტუვა)
30 წლის ვალანჩუნასი NBA-ში New Orleans Pelicans-ის ღირსებას იცავს და მისი საშუალო სტატისტიკა წელს : 17.8 ქულა, 11.4 მოხსნა და 2.5 გადაცემა იყო. ლიეტუველი ცენტრი საკმაოდ კარგ ფორმაშია და ფიბას ოფიციალური გვერდისთვის მიცემულ ინტერვიუში აღნიშნა, რომ ელოდება ევრობასკეტის დაწყებას, რადგან თვლის, რომ მისი ქვეყნის გუნდი დიდი მიზნებისთვის იბრძოლებს.
18)დენი ავდიჯა (ისრაელი)
21 წლის სერბული წარმოშობის ავდიჯა პოზიციით მსროლელია. ის ერთ-ერთი ამომავალი ახალგაზრდა ვარსკვლავია , რომელმაც თავის დამკვიდრება მოახერხა როგორც Washington Wizzards-ში აგრეთვე ეროვნულ ნაკრებში. ის ამ სიის ყველაზე ახალგაზრდა წარმომადგენელია, რომელსაც ანალიტიკოსები დიდ მომავალს უწინასწარმეტყველებენ . მასთან ერთად ევრობასკეტზე შესაძლოა ნახევრად ქართული წარმომავლობის გაბრიელ ჩაჩაშვილიც ვიხილოთ ისრაელის რიგებში, რომელიც ახლა Golden State Warriors-ის საზაფხულო ლიგის გუნდში თამაშობს.
17)გეორგიოს პაპაგანისი (საბერძნეთი)
გეორგიოს პაპაგანისი ევროპელი გულშემატკივრისთვის კარგად ნაცნობი მოთამაშეა, რომელსაც არაერთხელ გამოუჩენია თავი როგორც ეროვნული ნაკრების რიგებში, აგრეთვე საკლუბო ჩემპიონატებში. ამ ეტაპზე ის ბერძნული "პანათინაიოკისის" ღირსებას იცავს და ევროლიგის ერთ-ერთი გამორჩეული ვარსკვლავია. პაპაგანისი, თვლის, რომ საბერძნეთი წელს ევრობასკეტის მოგებისთვის იბრძოლებს.
16)ჯედი ოსმანი (თურქეთი)
ჯედი ოსმანი თურქეთის ნაკრების გამორჩეული მოთამაშე და ლიდერია, რომელიც Cleveland Cavaliers-ის ღირსებას იცავს და მის გუნდში ყველაზე მაღალანაზღაურებადი მოთამაშეა. თურქეთის ნაკრები საკმაოდ ძლიერი შემადგენლობით იქნება დაკომპლექტებული, რადგან მათი ქვეყნის საკლუბო ჩემპიონატი უფრო და უფრო ვითარდება და მოსამზადებელ ეტაპზე მწვრთნელმა არაერთი გამორჩეული ახალგაზრდა გამოიძახა სწორედ თურქული ლიგიდან. შეგახსენებთ, რომ თურქეთიც ჩვენს ჯგუფშია და ევრობასკეტის ჯგუფურ ეტაპზე თბილისში ითამაშებენ ყველა მატჩს.
15)დენის შროდერი (გერმანია)
შროდერი გერმანიის ნაკრების მთავარი გამთამაშებელი და სანდოობის გარანტიაა, NBA-ში თითქმის 10 წლიანი გამოცდილებით. 28 წლის გერმანელმა უკვე იასპარეზა ორ ევრობასკეტზე და აქვს შანსი ითამაშოს გერმანელი ფანების წინაშე ამ ზაფხულს კიოლნში - ხოლო პოტენციურად, ბერლინშიც ფინალურ ეტაპზე . ფლეიმეიკერობის მიუხედავად, შროდერს ასევე შეუძლია ქულების მოპოვებაც, ის 2017 წლის ევრობასკეტზე მეორე იყო ქულების საშუალო მაჩვენებლით - 23.7 ქულა თითოეულ მატჩში. გერმანიაც წელს ევრობასკეტზე განსაკუთრებული მოტივაციით იბრძოლებს, რადგან როგორც ჯგუფური ეტაპის, ასევე ფინალური ეტაპის თამაშები მათ ქვეყანაში ტარდება.
14)დანილო გალინარი (იტალია)
გალინარი ყოველთვის ხარჯავს მაქსიმუმს ეროვნულ გუნდისთვის და იღებს ლიდერის როლს რამდენიმე ნიჭიერ ახალგაზრდასთან ერთად. არაერთ სანაკრებო ტურნირში მონაწილეობის მიუხედავად, 33 წლის ფორვარდს, ჯერჯერობით სანაკრებო ტიტული არ აქვს. გალინარის საშუალო სტატისტიკა, NBA-ის თითოეულ სეზონში 2009 წლიდან, ორმაგ ნიშნულს აღწევს და ის იყო იტალიის ნაკრების ერთ-ერთი მთავარი ძალა 2019 წლის მსოფლიო ჩემპიონატზეც.
13)იუსუფ ნორკიჩი (ბოსნია-ჰერცეგოვინა)
იუსუფ ნურკიჩი ბოსნი-ჰერცეგოვინის ლიდერია და როდესაც სანაკრებო პაუზა არ ემთხვევა NBA-ის კალენდარს ის ყოველთვის ნაკრებთან ერთადაა. წელს ნურკიჩის დაბრუნებას აგვისტოში ელოდებიან და დიდი ალბათობით, ევრობასკეტ 2022-ზეც გაუძღვება გუნდს. ნურკიჩს საკმაოდ სტაბილური კარიერა აქვს ლიგაში და მისი საშუალო სტატისტიკა წელს ქულებისა და მოხსნების მიხედვით ორმაგი დუბლი იყო.
12)ლაური მარკანენი (ფინეთი)
ლაური მარკანენი ეროვნულ ნაკრებში მუდამ გამოირჩევა და ევროპელი გულშემატკივარი მას სხვადასხვა ტურნირებიდან წლებია იცნობს. 25 წლის მძიმე ფორვარდი ამჟამად Cleveland Cavaliers-ის ღირსებას იცავს და 2022 წლის ევრობასკეტზე ეცდება წინა ტურნირზე მე-16 ფინალში გასვლის შედეგი გააუმჯობესოს თავის ნაკრებთან ერთად.
11)კრისტაპს პორზინგისი (ლატვია)
კრისტაპს პორზინგისს ლატვიის ეროვნულ ნაკრებში 2017 წლის ევრობასკეტის შემდეგ არ უთამაშია, მაგრამ აპირებს დაბრუნდეს ამ ზაფხულს და დაეხმაროს გუნდს მსოფლიო ჩემპიონატის შესარჩევი ეტაპის მეორე რაუნდშიც. 5 წლის წინ ევრობასკეტზე ის საუკეთესო მექულეებს შორის მე-3 ადგილზე იყო და 34 ქულა შეასრულა დაძაბულ მატჩში, სლოვენიის წინააღმდეგ . მისი თამაშის ყურება ყოველთვის სასიამოვნოა ევროპელი გულშემატკივრისთვის და პორზინგისის დაბრუნება ლატვიის ნაკრებისთვისაც დამატებითი მოტივაცია იქნება.
10)ივან ფორნიე (საფრანგეთი)
ივან ფორნიე იმ კალათბურთელთა შორისა, რომელიც ნაკრებში ბევრად მაღალ დონეზე თამაშობს, ვიდრე კლუბში. 2020 წლის ტოკიოს ოლიმპიადაზე ფორნიემ საოცრად ითამაშა და გუნდის ნამდვილი ლიდერი იყო რუდი გობერთან ერთად. 29 წლის ფრანგი 2019 წლის მსოფლიო ჩემპიონატის საუკეთესო ხუთეულში მოხვდა. რამდენიმე გამორჩეული თამაშისა და საერთაშორისო დონეზე გამოკვეთილი ძლიერი ნაკრებით, საფრანგეთი ევრობასკეტის გამარჯვების ერთ-ერთი ფავორიტია.
9)ბოიან ბოგდანოვიჩი (ხორვატია)
ბოგდანოვიჩისთვის , ისევე როგორც ალბათ ყველა მოთამაშისთვის ეროვნული ნაკრების სახელით თამაში განსაკუთრებული მნიშვნელობისაა და მისმა თავდადებულმა თამაშმა ოლიმპიადის საკვალიფიკაციო ეტაპზეც აღაფრთოვანა ხორვატი გულშემატკივარი. მან 38 ქულა ჩააგდო ნახევარფინალურ თამაშში გერმანიის წინააღმდეგ, თუმცა გამარჯვებისთვის ეს საკმარისი არ აღმოჩნდა. ბოგდანოვიჩის ბოლო ინტერვიუს მიხედვით, მათი მთავარი სურვილი ამ ეტაპზე მსოფლიოს ჩემპიონატის ბოლო რაუნდებში წარმატებული ასპარეზობაა და შემდგომში ევრობასკეტზე გადართვა.
8)დომანტას საბონისი (ლიეტუვა)
საბონისი NBA-ში ერთ-ერთ გამორჩეულ მაღალ მეპასედ ჩამოყალიბდა და Indiana Pacers-ში რამდენიმე წლის გატარების შემდეგ ბევრ გულშემატკივარს შეაყვარა თავი. 26 წლის ცენტრი ლიეტუვის 2015 წლის ნაკრების წარმატების ერთ-ერთი შემოქმედი იყო და ეროვნულ ნაკრებში 2020 წელს ტოკიოს ოლიმპიადის საკვალიფიკაციო ეტაპის დროს დაბრუნდა.
7)რუდი გობერი (საფრანგეთი)
ბოლო წლებში რუდი გობერი საფრანგეთის ნაკრების ლიდერად ჩამოყალიბდა ზემოთხსენებულ ივან ფორნიესთან ერთად და მათ არაერთი სანაკრებო ტიტული მოიპოვეს, მათ შორის ტოკიოს 2020 წლის ოლიმპიადაზე - ვერცხლის მედალი, ხოლო 2015 წლის ევრობასკეტზე ბრინჯაოს მედალი. ზაფხულისთვის ნაკრებთან ერთად მზადყოფნა მან NBA-ის სეზონის დასრულებისთანავე დაადასტურა, რის შემდეგაც საფრანგეთის შანსები კიდევ უფრო გაიზარდა და სამართლიანად ითვლება ეს გუნდი ევრობასკეტის მოგების კანდიდატად.
6)ჯოელ ემბიდი (საფრანგეთი)
ჯოელ ემბიდის ეს ფოტო ფოტოშოპითაა გაკეთებული, რადგან სულ რაღაც 2 დღის წინ დადასტურდა ოფიციალურად, რომ ის საფრანგეთის ნაკრებს შეუერთდება და კამერუნის სახელით არ იასპარეზებს. ეს სიახლე ნამდვილად სასიამოვნოა ევროპელი გულშემატკივრისთვის, რადგან კონტინენტის მთავარ საკალათბურთო ბრძოლაში NBA-ის ერთ-ერთი გამორჩეული ცენტრიც ჩაერთვება. ემბიდის სავარაუდო დებიუტს აგვისტოს ბოლოს ფიბას მსოფლიოს ჩემპიონატის მე-2 რაუნდში ელოდებიან.
5)ლუკა დონჩიჩი (სლოვენია)
გამორჩეული ევროპელი და NBA-ის ერთ-ერთი ვარსკვლავი ლუკა დონჩიჩი სლოვენიის ნაკრებს მუდმივად ეხმარება და ასე მოხდა წელსაც, როცა ლიგაში სეზონის დასრულებისთანავე ის სამშობლოში გაემგზავრა და დასვენებას მისი ქვეყნის სახელით ასპარეზობა არჩია. დონჩიჩმა 3 ივლისს გადამწყვეტი ბრძოლა მოაგებინა სლოვენიას შვედეთის წინააღმდეგ და ფიბას მსოფლიოს ჩემპიონატზე მოსახვედრად მნიშვნელოვანი გამარჯვებაც მოიპოვა 31-ქულიანი ორმაგი დუბლით. ფიბას გამოკითხვით ის ევროპის მიმდინარე საკვალიფიკაციო ეტაპის საუკეთესო მოთამაშედ დასახელდა. დონჩიჩი დაეხმარება სლოვენიას ევრობასკეტ 2022-ზეც, სადაც ასევე ერთ-ერთი ფავორიტები არიან.
4)იანის ანტეტოკოუნმპო (საბერძნეთი)
იანის ანტეტოკოუნმპო დღეისათვის ევროპული პასპორტის მქონე საუკეთესო მოთამაშეა ლუკა დონჩიჩთან ერთად და მის დაბრუნებას ეროვნულ ნაკრებში უდიდესი ინტერესით ელიან არამხოლოდ ბერძენი გულშემატკივრები, არამედ მთელი საკალათბურთო სამყარო. ბოლოს იანისმა ნაკრებში 2019 წლის მსოფლიოს ჩემპიონატზე ითამაშა და 3 წლის შემდეგ ის აპირებს გუნდს ევრობასკეტ 2022-ის მოსაგებად ულიდეროს და პაპაგანისთან და ევროპის გამორჩეულ ბერძენ მოთამაშეებთან ერთად თავისი ქვეყნის წარმატებისთვის იბრძოლოს.
3)ნიკოლა იოკიჩი (სერბეთი)
ზედიზედ 2-გზის MVP და ბოლო წლებში ერთ-ერთი გამორჩეული სუპერ-ვარსკვლავი ნიკოლა იოკიჩი ოფიციალურად დადასტურებულია, რომ ევრობასკეტ 2022-ზე ითამაშებს და სერბეთის ღირსებას დაიცავს ფიბას მსოფლიოს ჩემპიონატის მეორე რაუნდოს თამაშებშიც აგვისტოს ბოლოს. სერბეთი ევროპის ერთ-ერთი ძლიერი ნაკრებია და ცხადია NBA-ის მოქმედი MVP ძალებს არ დაზოგავს თავისი ქვეყნისთვის კონტინენტის პირველობის მოსაპოვებლად.
2)გოგა ბითაძე (საქართველო)
ქართველი გულშემატკივარი ევრობასკეტ 2022-ს განსაკუთრებული ინტერესით ელოდება, რადგან ჩვენი ქვეყნის ისტორიაში მსგავსი მასშტაბის სპორტულ ჩემპიონატს პირველად ვმასპინძლობთ. გარდა სახლში თამაშის უპირატესობისა, უდიდესი მოლოდინია გოგა ბითაძის გამო, რადგან მან ივლისის სანაკრებო შეხვედრებში მონაწილეობა ვერ მიიღო. ქართველ ცენტრს განსაკუთრებული მოტივაცია ჰქონდა და აქვს ეროვნულ ნაკრებში თამაშის დროს, რასაც წლების განმავლობაში (ასაკობრივი ნაკრებიდან დაწყებული დღემდე) მისი გამორჩეული სტატისტიკები თუ უბრალოდ დამოკიდებულება ადასტურებს. თბილისში რამდენიმე კვირის წინ გამართულ შეხვედრაშიც მთელი თამაშის განმავლობაში ფეხზე იდგა ტრავმიანი ფეხით და გუნდს მორალურად ამხნევებდა. გოგა უდიდესი ძალა იქნება ჩვენი ნაკრებისთვის მის პოზიციაზე მოთამაშე გიორგი შერმადინთან ერთად და იმედი გვაქვს , მისი დაბრუნება წარმატებული აღმოჩნდება ჩვენი ქვეყნისთვის როგორც მსოფლიოს ჩემპიონატის საკვალიფიკაციო ეტაპის მე-2 რაუნდში (24 და 27 აგვისტოს), აგრეთვე ევრობასკეტ 2022-ზე 1 სექტემბრიდან.
1)სანდრო მამუკელაშვილი (საქართველო)
ეს ფოტო ფიბას 20-წლამდელთა ევროპის ჩემპიონატზეა გადაღებული 2018 წელს, როცა სანდრო მამუკელაშვილი ჩვენი ქვეყნის ახალგაზრდული ნაკრების ღირსებას იცავდა. მოგეხსენებათ, სანდრო ამერიკაში ცხოვრობს წლებია და კოლეჯში თუ შემდგომში NBA-ში თამაშის გამო ვერ ახერხებდა ეროვნულ ნაკრებს დახმარებოდა. სანდროს დებიუტს ბევრი ქართველი ივლისში ელოდა, რადგან მან დასვენების დღეები მშობლიურ გარემოში გაატარა, თუმცა აღმოჩნდა, რომ მისი კონტრაქტის გათვალისწინებით ვალდებული იყო ამერიკაში ჩასულიყო და ზედიზედ მე-2 წელი Milwaukee Bucks-ის საზაფხულო ლიგის გუნდში ეასპარეზა. საზაფხულო ლიგა ჯერ კიდევ მიმდინარეობს, სადაც 2 თამაშში საუკეთესო შედეგი სწორედ ქართველ ფორვარდს ჰქონდა და ზაფხულის სანაკრებო მატჩებს შესანიშნავ ფორმაში ხვდება. სანდროს დებიუტს (NBA-ში მოხვედრის შემდეგ) ნაკრებში 24 აგვისტოსს ველოდებით ნიდერლანდების წინააღმდეგ ახალ "თბილისი არენაზე", ხოლო 1 სექტემბრიდან ის ჩვენი ქვეყნის ღირსებას ევრობასკეტ 2022-ზე დაიცავს.

სანდრო მამუკელაშვილის პირველი ორმაგი დუბლი სან ანტონიოში. ტეხასური გუნდის 23 წლის ქართველმა ფორვარდმა ოკლენდში, გოლდენ სტეიტის წინააღმდეგ 13 ქულა და 11 მოხსნა მიითვალა.გუნდთან, რომელშიც ზაზა ფაჩულია სამჯერ გახდა ნბა-ს ჩემპიონი, მამუკელაშვილმა გამორჩეულად ითამაშა. შეხვედრა დაძაბული გამოდგა და მასპინძელმა გოლდენ სტეიტმა გამარჯვება ბრძოლაში მოიპოვა – 130:115.მამუკელაშვილი სასტარტო ხუთეულში იყო და მოედანზე 29:13 წუთი გაატარა. ქართველმა ლეგიონერმა 10-დნ 6 ორქულიანი და 1-დან 1 საჯარიმო ჩააგდო, 2 სამიანი კი ააცილა. სანდრომ ფარზე მაგრად ითამაშა და მოედანზე მყოფთაგან ყველაზე მეტი ბურთი მოხსნა. მის ანგარიშზე ჯამში 13 ქულა, 11 მოხსნა, 4 პასი, 1 ჩაჭრა და 1 დაფარება დაგროვდა. სანანტონიოელთაგან ყველაზე მეტი – 22 ქულა კელდონ ჯონსონმა ჩააგდო. გოლდენ სტეიტში 33 ქულით საუკეთესო იყო სტეფ კარი.მომდევნო მატჩს სან ანტონიო 2 აპრილს, საკრამენტოში, კინგსთან გამართავს.gbf.ge
ქართველი კალათბურთელები • 1680337839

NBA - მ იანის ანტეტოკუმპოს ვაშინგტონთან მოგებულ მატჩში ბოლო წამებზე აღებული მოხსნა შესაძლოა გაუუქმოს, რითაც სეზონში მეოთხე სამმაგ დუბლს იფორმებდა.ბერძენმა სუპერვარსკვლავმა დროის ამოწურვამდე 3 წამით ადრე ფარს ბურთი მცირე ძალით ესროლა, რათა მე-10 მოხსნა ჩათვლოდა რითაც სამმაგ დუბლს იფორმებდა.Giannis just threw himself a rebound at the buzzer to get a triple double.https://t.co/seAh8ChWxh pic.twitter.com/nPgHIPTVAB— Sherwob Holmes (@WorldWideWob) March 6, 2023 დიდია ალბათობა, რომ NBA - ს ხელმძღვანელობამ ეს მოხსნა გააუქმოს, რადგან მათი წესების მიხედვით "მოთამაშემ უნდა ბურთი უნდა ესროლოს მხოლოდ ქულის აღების მიზნით".ამგვარად იანისს მხოლოდ ორმაგი დუბლი მიეწერება პირად სტატისტიკაში.
NBA • 1678187305

ჯულიუს რენდლი და დევინ ბუკერი NBA-ის მე-20 კვირის საუკეთესო მოთამაშეებად დასახელდნენ.Knicks forward Julius Randle and Suns guard Devin Booker have been named NBA Players of the Week. pic.twitter.com/5JHp3SKYiy— Michael Scotto (@MikeAScotto) March 6, 2023 რენდლი საშუალოდ 29,5 ქულას, 8,3 მოხსნას და 4,8 პასს აგროვებდა, რაც ნიუ-იორკ ნიქსის შედეგზეც აისახა მათ 4-0 დადებითი მაჩვენებელი დააფიქსირეს.Julius Randle is an #NBAAllStar for the second time!Peep some of his best highlights this season 👀 pic.twitter.com/kt3td6LCtF— #NBAAllStar (@NBAAllStar) February 4, 2023 ბუკერი საშუალოდ 36.0 ქულას, 7.7 პასს და 5.3 მოხსნას აგროვებდა, რა დროშიც ფენიქს სანსმა 3-0 მოგება წაგების მაჩვენებელი დააფიქსირაDevin Booker triple pic.twitter.com/7PxUTfGp1m— That's a highlight (@ClipIt_NBA) February 8, 2023 .
NBA • 1678177262

მემფის გრიძლის მთავარმა ცენტრმა სტივენ ადამსმა, რომელმაც ბოლო 17 მატჩი მარჯვენა მუხლის დაზიანების გამო გამოტოვა უკვე გუნდთან ერთად მსუბუქად ვარჯიშობს.როგორც მემფისის მთავარმა მწვრთნელმა ტეილორ ჯენკინსმა განაცხადა შესაძლოა, შემდეგ თამაშში განაცხადში ვიხილოთ, მაგრამ საბოლოო დასკვნას მედიკოსები დღეს საღამოს დადებენ.Full highlights from Steven Adams’ career night…11 PTS 21 REB (13 OREB) 3 AST1 STL 2 BLK pic.twitter.com/DrcMy6rriD— Steven Adams Stats (@funakistats) January 2, 2023 მას შემდეგ რაც ახალ ზელანდიელი გოლიათი დაშავდა გუნდმა უარყოფითი ბალანსი დააფიქსირა(7-10).ამას კიდევ ბრენდონ კლარკის ტრავმა ემატება, რომელიც შესაძლოა ამ სეზონში ვერ დაუბრუნდეს პარკეტს.ადამსმა ამ სეზონში 42 მატჩში მიიღო მონაწილეობა, ეს კი მისთვის მეათე საიუბილეო სეზონი გახლავთ,მან პერსონალური რეკორდი დაამყარა სეზონში საშუალოდ 11.5 მოხსნა,აქედან 5.1 მოხსნა შეტევაში.
NBA • 1678114727

ნიუ-იორკ ნიქსმა დაკუან ჯეფრის ახალი ათ დღიანი კონტრაქტი გაუფორმა, გაგრძელების პერსპექტივით რაც რა თქმა უნდა თვითონ მოთამაშის ეფექტურობაზეა დამოკიდიდებული.This DaQuan Jeffries dunk was RIDICULOUS pic.twitter.com/cuhEXnBUEH— The Knicks Wall (@TheKnicksWall) July 9, 2022 ამერიკელი მსროლელი საშუალო სტატისტიკა G ლიგაში ვესტჩესტერ ნიქსის რიგებში 20.6 ქულა, 6.5 მოხსნა რაც საკმაოდ სოლიდური შედეგია.შეგახსენებთ, რომ ნიქსმა მას ორმხრივი კონტრაქტი ნოემბრის დასაწყისში გაუფორმა
NBA • 1678105049

მემფის გრიზლის მთავარი მწვრთნელის ტეილორ ჯენკინსის განცხადებით ჯა მორანტის დაბრუნების ზუსტ დროს არ ადასტურებს.გუნდის ხელმძღვანელობამ შაბათს დილით განაცხადა, რომ იგი მინიმუმ ორ შეხვედრას გამოტოვებდა თუმცა როგორც ახლა ვიგებთ შესაძლოა ეს რაოდენობა შეიცვალოს და უფრო მეტად დაისაჯოს მემფისის ლიდერი და მიეცეს დრო დასამშვიდებლად.შეგახსენებთ მან თავის ინსტაგრამ ლაივში ცეცხლსასროლი იარაღით ხელში დაიწყო იმ ყველაფრის ახსნა რასაც ედავებოდნენ და განაცხადა, რომ მზად იყო ყველასთვის პასუხი გაეცა, სწორედ ამ ქმედების გამო გუნდის მხრიდან თამაში აეკრძალა.მაგრამ ამავდროულად ჯენკინსი ამბობს, რომ მორანტს ფსიქოლოგიური დახმარება ჭირდება და სრულ მხარდაჭერას უცხადებს მას მთელი გუნდი.
NBA • 1678104172