ლეიკერსმა ბრონი ჯეიმსი ისევ G ლიგაში გაგზავნა
ლეიკერსმა ბრონი ჯეიმსი და ახალბედა კამერონ კარი G ლიგის კლუბში, კოუჩელა ველი ლეიკერსში, გაგზავნა. ბრონიმ სეზონში ხუთ მატჩში საშუალოდ 2.4 წუთი ითამაშა.
ლეიკერსმა ბრონი ჯეიმსი G ლიგის კლუბში, კოუჩელა ველი ლეიკერსში, გაგზავნა. იქვე გადაიყვანეს დრაფტის პირველი რაუნდის არჩევანი, ახალბედა კამერონ კარიც.
ლებრონ ჯეიმსი
ფილადელფია სიქსერსი · 2026-27 სეზონი
15.7 ქულა
7.4 მოხსნა
7.4 პასი
პროფილი ›
22 წლის მცველი NBA-ში მესამე სეზონს ატარებს, თუმცა ლეიკერსის 7-2 შედეგით დაწყებულ სეზონში მას თითქმის არ უთამაშია. ხუთ მატჩში ბრონი მოედანზე საშუალოდ 2.4 წუთით გამოდიოდა და 0.8 ქულას აგროვებდა. სამი სეზონის განმავლობაში NBA-ში მას მხოლოდ 74 მატჩი აქვს.
G ლიგაში სურათი სულ სხვაა. ბოლო ორ სეზონში ბრონიმ 25 მატჩი ითამაშა და საშუალოდ 18.4 ქულა, 4.4 შედეგიანი გადაცემა და 4.0 მოხსნა დააგროვა. მისი ტყორცნების 49.6% ზუსტი იყო, სამქულიანების კი 41.3%.
ლეიკერსის G ლიგის გუნდს წელს ახალი სახელი და ახალი დარბაზი აქვს. ადრე ის ლოს-ანჯელესში, ლეიკერსის სავარჯიშო ბაზაზე თამაშობდა, ახლა კი ქალაქიდან მოშორებით, ახალ არენაზე. კოუჩელა ველი ლეიკერსი სეზონს პარასკევს შინ დაიწყებს.
ლებრონ ჯეიმსი გასულ ზაფხულს ფილადელფიაში გადავიდა, ლეიკერსმა კი მისი შვილი გუნდში დაიტოვა. კარიერის დასაწყისიდანვე ბრონი ხან NBA-ში თამაშობს, ხან G ლიგაში.
ლეიკერსი, რომელშიც სანდრო მამუკელაშვილი თამაშობს, დასავლეთის ლიდერებს შორისაა. ხვალ, შაბათს, 07:00-ზე, NBA-ს თასის ჯგუფურ მატჩში გუნდი ბლეიზერსს უმასპინძლებს. ბლეიზერსი ერთ-ერთია იმ ორი გუნდიდან, რომლებმაც ამ სეზონში ლეიკერსი დაამარცხეს.
