34 ქულა 19 წუთში: როგორ დაწერა სანდრო მამუკელაშვილმა NBA-ის ისტორია

2025 წლის 19 მარტს სპერსი სან-ანტონიოში ნიქსს მასპინძლობდა. მასპინძელს ვიქტორ ვემბანიამა და დიარონ ფოქსი სეზონის ბოლომდე აღარ ჰყავდა. სწორედ იმ საღამოს შეცვლაზე გამოსულმა ქართველმა ისეთი შედეგი აჩვენა, რაც NBA-ში მანამდე არავის ჰქონია.

სანდრო მამუკელაშვილი ლოს ანჯელეს ლეიკერსი · 2026-27 სეზონი 9.4 ქულა 4.6 მოხსნა 1.4 პასი პროფილი ›

სანდრო მამუკელაშვილმა 19 წუთში 34 ქულა ჩააგდო და სპერსმა 120:105 მოიგო. ის NBA-ის ისტორიაში პირველი მოთამაშე გახდა, რომელმაც 20 წუთზე ნაკლებ დროში 34 ქულა დააგროვა.

მამუკელაშვილი იმ საღამოს

• 19 წუთი და 27 წამი მოედანზე
• 34 ქულა
• 13/14 ტყორცნა
• 7/7 სამქულიანი
• 9 მოხსნა, მათ შორის 5 შეტევაში
• 3 შედეგიანი გადაცემა

21 ქულა ერთ მეოთხედში

პირველ ნახევარში მამუკელაშვილმა რვა წუთი ითამაშა და 13 ქულა ჩააგდო. სპერსმა მეორე მეოთხედში 30:7 სერია ჩაატარა და უპირატესობა 28 ქულამდე გაზარდა. მესამე მეოთხედი ნიქსმა 29:16 მოიგო, თუმცა ბოლო მეოთხედში ქართველმა 21 ქულა ჩააგდო და სპერსს გამარჯვება მოუტანა.

ნიქსში ყველაზე შედეგიანი კარლ-ენტონი თაუნსი იყო 32 ქულით. სპერსში სტეფონ კასლმა 22 ქულა დააგროვა, კრის პოლს კი 12 ქულა და 9 შედეგიანი გადაცემა ჰქონდა.

ვარსკვლავების გვერდით

მამუკელაშვილი მეოთხე მოთამაშე გახდა, ვინც 20 წუთზე ნაკლებ დროში 30 ან მეტი ქულა დააგროვა. მანამდე ეს მხოლოდ ჯეილენ ბრაუნს (33 ქულა), კევინ ლავს (32 ქულა) და კევინ დურანტს (30 ქულა) ჰქონდათ.

ეს 34 ქულა დღემდე მისი კარიერის რეკორდია. ახლა სანდრო ლეიკერსში თამაშობს და ამაღამ, თბილისის დროით 07:00-ზე, ჰიტს შეხვდება.